ЦХИНВАЛ, 23 окт — Sputnik. Хуссар Ирыстоны столицӕ ӕмӕ Ленингоры поселочы ацыдысты мастер-класстӕ ахуырады кусджыты квалификацийы ӕмвӕзад фӕбӕрзонддӕр кӕныны фӕдыл проект "Уырыссаг ӕвзаг – къахдзӕф фидӕнмӕ"-йы фӕлгӕтты, хъусын кӕны Цхинвалы Уӕрӕсейаг зонад ӕмӕ культурӕйы центры пресс-службӕ.
Мадзал ӕрӕмбырд кодта йӕ фӕзуатыл астӕуккаг съколаты ахуыргӕнджыты, уырыссаг ӕвзагыл уӕлӕмхасӕн ахуырады программӕты ахуыргӕнджыты, библиотекӕты кусджыты ӕмӕ республикӕйы ахуырады органты минӕвӕртты.
"Проект ӕххӕст кӕны Россотрудничество Уӕрӕсейы хуыздӕр ахуыргӕнӕдӕтты ӕрбаздахыны руаджы – Хуссар Ирыстоны мадзӕлттӕм ӕрбаздахтой Цӕгат Кавказы федералон университеты Гуманитарон институты ахуыргӕнджыты", - дзырдӕуы хъусинаджы.
Проекты хайадисджытӕн уыд фадат райсын Цӕгат Кавказы федералон университеты ахуыргӕнджыты фӕлтӕрддзинад, хайад райсын мастер-классты, дискуссион фӕзуатты.
"Хуссар Ирыстоны педагогон кусджыты фембӕлдтӕ сӕ коллегӕтимӕ Цӕгат Кавказы федералон университетӕй ссисты хорз традици – ахӕм мадзӕлтты руаджы мах райсӕм хорз хъуыдытӕ, кӕцытӕ сты ӕнӕмӕнгхъӕуӕг профессионалон райрӕзты тыххӕй", - банысан кодта Хуссар Ирыстоны квалификаци фӕбӕрзонддӕр кӕныны институты директор Къӕбулты Заира.
Пресс-службӕйы банысан кодтой, "Уырыссаг ӕвзаг – къахдзӕф фидӕнмӕ" проект реализаци кӕны ХПӔ бӕстӕты фӕдыл Федералон агентад, афтӕ ма ӕххӕст цӕуы ӕхсӕнадӕмон гуманитарон ӕмгуыстады руаджы.
