ЦХИНВАЛ, 31 окт — Sputnik. Сӕрдыгон периоды ахуырты басгӕрст райдыдта Хуссар Ирыстоны Хъахъхъӕнынады министрады хайӕдты, фехъусын кодта Sputnik уагдоны пресс-секретарь Чехойты Инга.
Контролон ахуырты фӕлгӕтты, кӕцытӕ уагъд цӕудзысты полигоны, ӕфсӕддон горӕты ӕмӕ Хъахъхъӕнынады министрады дӕлхайӕдты, офицертӕ ӕмӕ рӕнхъонтӕ равдисдзысты се ʻмвӕзад ӕхсынӕй, ратдзысты нормативтӕ техникон, тактикон-сӕрмагонд ӕмӕ физикон цӕттӕдзинадӕй.
"Басгӕрсты фӕстиуджытӕм гӕсгӕ саргъ кӕндзысты ӕфсӕддонты физикон ӕмӕ хӕстон цӕттӕдзинадӕн, афтӕ ма хӕцӕнгӕрзтӕ ӕмӕ хӕстон техникӕйы уавӕрӕн", - банысан кодта Чехойты Инга.
Хъахъхъӕнынады министрады егъау басгӕрст балхынцъ уыдзӕн сӕрдыгон периоды ахуыртӕн хатдзӕгтӕ скӕнынӕй.
