ЦХИНВАЛ, 1 ноя - Sputnik. Цхинвалы бирӕуӕладзыгон хӕдзӕрттӕй иуы фатеры Фыдауынгӕнджыты уынгыл ссардтой сылгоймаджы мӕрдон буар ӕмӕ нӕлгоймаджы уӕззау уавӕры, фехъусын кодтой Sputnik цауы цӕстӕйфенджытӕ.
Раздӕр цӕстӕйфенджытӕ хъусын кодтой, фатеры кӕй уыд дыууӕ мӕрдон буары. Уый фӕстӕ рабӕрӕг ис, нӕлгоймаг удӕгас кӕй у, аластой йӕ рынчындонмӕ.
Цауы бынаты кусынц барадхъахъхъӕнӕг органты кусджытӕ, уыдон бӕрӕг кӕнынц трагедийы ӕууӕлтӕ.
Агентадмӕ нырма нӕй столицӕйы мидхъуыддӕгты хайады минӕвӕртты официалон комментаритӕ.
