Хуссар Ир æрфысым кæндзæн "уырыссаг дунейы" журналистты форум

© Sputnik / Алексей Дружинин / Ахизын фотобанкмӕХуссар Иры ацæудзæн "уырыссаг дунейы" журналистты форум
Хуссар Иры ацæудзæн уырыссаг дунейы журналистты форум - Sputnik Хуссар Ирыстон
Бафыссын
Yandex newsTelegram
ПТРК "Ир"-ы кусæг, телеамонæг Тыбылты Алан райста "Росмолодежь"-ы фæсаууонмæ конкурсы грант форум ауадзынæн

ЦХИНВАЛ, 4 ноя — Sputnik, Плиты Фатима. Хуссар Ир сæрды æрфысым кæндзæн "уырыссаг дунейы" журналистты æмæ блогерты форум. Фембæлд æххæст æрцæудзæн "Росмолодежь"-ы фæсаууонмæ конкурсы гранты фæрæзтæй.

ПТРК "Ир"-ы кусæг, телеамонæг Тыбылты Алан райста "Росмолодежь"-ы фæсаууонмæ конкурсы грант, кæцыйы фæлгæтты æрбалæугæ аз Ирыстоны ацæудзæн блогертæ æмæ журналистты форум "Алания -2020".

"Форумы нысан у афтæ хуынгæ "уырыссаг дунейы" журналисттæ æмæ блогерты базонгæ æмæ бангом кæнын. Цæмæй нын тых уа информацион тохы, дунемæ хæццæ кæна нæ цæстæнгас", - загъта Sputnik проекты къухдариуæггæнæг Тыбылты Алан.

Йæ ныхæстæм гæсгæ, форумы Ирыстоны минæвæрттæй дарддæр архайдзæн журналисттæ æмæ блогертæ Мæскуы, Санкт-Петербург, Донецк, Луганск, Абхаз æмæ æндæр бæстæтæй.

Цхинвал - Sputnik Хуссар Ирыстон
Социалон проектты конкурс расидтысты Хуссар Иры

"Проект æххæст æрцæудзæн Ирыстоны алæмæттаг къуымтæй иуы сæрды 2020 азы. Ӕрхондзыстæм 100 адæймагæй фылдæр. Сæ нымæцы уыдзæн журналисттæ, кæцытæ куыстой хæстон архайдтыты рæстæджы, æгæр стæмæй Хуссар Иры дæр", - бафтыдта уый.

Уый ма бафиппайдта, форумы архайджытæ ахуырадон нывæзтæй уæлдай ма базонгæ уыдзысты Ирыстоны алæмæттаг æрдз æмæ хъæзныг культурæимæ.

Форум "Алания-2020"-ы проекты командæйы сконды йæ хистæрæй дарддæр сты Плиты Андрей æмæ Габатты Альберт.

Ног хабӕртты лентӕ
0