ЦХИНВАЛ, 5 ноя - Sputnik. Хуссар Ирыстоны барадхъахъхъӕнӕг органты кусджытӕ агурынц дыууӕ фыдгӕнӕджы, кӕцытӕ ивгъуыд улӕфт бонты сӕххӕст кодтой адавд Цхинвалы дуканийӕ, хъусын кӕны республикӕйы Мидхъуыддӕгты министрады (МХМ) пресс-службӕ.
"Дыккӕгӕм ноябры ӕбӕрӕг гоймӕгтӕ бахызтысты столицӕйы дуканимӕ ӕмӕ адавтой ӕхцайы фӕрӕзтӕ 150 мин сомы бӕрц", - дзырдӕуы уагдоны хъусинаджы.
Ныртӕккӕ Цхинвалы мидхъуыддӕгты хайады кусджытӕ уадзынц мадзӕлтты комплекс, цӕмӕй сбӕрӕг кӕной гоймӕгты, кӕцытӕ сӕххӕст кодтой ацы фыдракӕнд.
