Цхинвайлаг вокалист ссис Цæгат Иры конкурс "Голос Осетии"-йы призер

© instagram/golos__osetiiХуссарирыстойнаг вокалист ссис Цæгат Иры конкурс "Голос Осетии"-йы призер
Хуссарирыстойнаг вокалист ссис Цæгат Иры конкурс Голос Осетии-йы призер - Sputnik Хуссар Ирыстон
Бафыссын
Yandex newsTelegram
IDARCHIK куыд призон бынаты хицау, афтæ организатортимæ дарддæр æмгуыст кæндзæн, 6 декабры уый ралæудзæн Кавказы стъалытимæ иумæйаг концерты

ЦХИНВАЛ, 6 ноя — Sputnik, Плиты Фатимæ. Хуссарирыстойнаг зарæггæнæг IDARCHIK (Гаглойты Игорь) ссис Цæгат Ирыстоны вокалон конкурс "Голос Осетии"-йы призер. Куыд проекты æнтыстджындæртæй иу, афтæ лæппуимæ организатортæ сфидар кодтой æмгуыстады бадзырд, фехъусын кодта Sputnik зарæггæнæг йæхæдæг.

 Хуссарирыстойнаг вокалист хайад исы Цæцæны конкурсы - Sputnik Хуссар Ирыстон
"Супер Стъалы": Хуссарирыстойнаг вокалист хайад исы Цæцæны конкурсы

Конкурсы æвзарæн этап цыд адæмон æвзæрсты руаджы социалон хызæг Instagram-ы "Голос Осетии"-йы фарсыл. Архайджытæй фылдæр лайктæ чи æрæмбырд кодта, уыдонæй 40 рацыдысты æвзæрст. Гаглойты Игорь 588 хъæлæсимæ уыд номхыгъды дыккаг бынатыл.

"Мадзалы финал ацыд Дыгуры комы улæфæндæттæй иу - "Порог неба"-йы. Конкурсы уæлахиздзау ссис Айларты Ирина, æз мæхæдæг райстон призон бынат – йæ хæрæзиуæг та у организатортимæ æмгуыстад. Йæ фæлгæтты уал 6 декабры ралæудзæн сæ концерты, цы ран уыдзысты Кавказы стъалытæ", - загъта Sputnik IDARCHIK.

Лæппу ма æмрæстæджы хайад исы Цæцæны республикæйы ПТРК эфиры "Супер Звезда"-йы. Уый ис Уæрæсейы сгуыхт артист Цæрикъаты Феликсы командæйы.

Ног хабӕртты лентӕ
0