Специалисттӕ сног кодтой цифрон телеканалты фидиуӕн Хуссар Иры

© Sputnik / Элина Габараева Специалисттӕ сног кодтой цифрон телеканалты фидиуӕн Хуссар Иры
Специалисттӕ сног кодтой цифрон телеканалты фидиуӕн Хуссар Иры - Sputnik Хуссар Ирыстон
Бафыссын
Yandex newsTelegram
Фидиуӕнимӕ проблемӕтӕ фӕзындысты хуыцаубоны базон станцтӕй иуыл электроэнергийы фӕурӕдты тыххӕй

ЦХИНВАЛ, 11 ноя – Sputnik, Козаты Диана. Цифрон телеканалты фидиуӕн сног кодтой Хуссар Ирыстоны. Специалисттӕ цалдӕр сахатмӕ аиуварс кодтой фехӕлдтӕ базон станцыл, радзырдта Sputnik бастдзинад ӕмӕ дзыллон коммуникациты фӕдыл комитеты сӕрдар Джиголаты Хасан.

Фидиуӕнимӕ проблемӕтӕ фӕзындысты хуыцаубоны базон станц "Паук"-ы электроэнергийы фӕурӕдты тыххӕй.

"Уым уыд чысыл фехӕлд рухсы фӕурӕды тыххӕй, специалисттӕ алцыдӕр сарӕзтой, ӕмӕ фидиуӕн сног кодтой", - загъта Джиголаты Хасан.

Фидӕны ахӕм цаутӕ аиуварс кӕнынӕ баххуыс кӕндзысты дизелон генератортӕ, кӕцытӕ сӕвӕрдтой базон станцтыл. Комитеты сӕрдары ныхӕстӕм гӕсгӕ, уыдон баиу кӕндзысты объекттӕ эксплуатацимӕ куы радтой, уый фӕстӕ.

Цхинвалы ацыд тымбыл фынг - Sputnik Хуссар Ирыстон
Бӕрзонд технологитӕ Хуссар Иры: Цхинвалы ацыд тымбыл фынг

"Нардуатон организаци 15 ноябрмӕ балхынцъ кӕндзӕн куыстытӕ. Цифрон сигнал аххӕссыд Хуссар Ирыстоны территорийы 92 процентыл", - банысан кодта Джиголаты Хасан.

Уый ма бахахх кодта, кӕцыдӕр рӕстӕг ма республикӕйы уыдзӕн аналогон фидиуӕн дӕр, уымӕн ӕмӕ бирӕтӕн фадат нӕй балхӕнын сӕрмагонд цифрон блоктӕ, кӕнӕ та ног телевизортӕ.

"Цалынмӕ нын уа фадат архайын аналогӕй, уӕдмӕ йӕ нӕ ахицӕн кӕндзыстӕм", - баныфсӕвӕрдта Джиголаты Хасан.

Уӕрӕсе цифрон телеуынынадмӕ рахызт балхынцъ кодта 14 октябры.

Ног хабӕртты лентӕ
0