ЦХИНВАЛ, 13 ноя - Sputnik. Къуайсайы бирӕуӕладзыгон хӕдзӕрттӕй иуы фатеры ӕрцыд зынгсирвӕзт, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕйы кусӕг Тедеты Роза. Зынгсирвӕзт ӕрцыд знон ӕхсӕвы, 23:30 сахатыл.
"Цауы бынатмӕ уайтагъд ацыдысты горӕт Къуайсайы зынгфӕдисон-ирвӕзынгӕнӕн хайады кусджытӕ. Уыдон сӕххӕст кодтой мадзӕлттӕ, цӕмӕй аиуварс кӕной зынгсирвӕзт. Арт зиан ӕрхаста фатеры хатӕнтӕй иуӕн", - радзырдтой уӕлвӕткон уагдоны.
УУМ ирвӕзынгӕнджытӕ нӕ бауагътой аххӕссын арт ӕндӕр хатӕнтӕм.
Специалистты развӕлгъау информацимӕ гӕсгӕ, зынгсирвӕзт ӕрцыд электроплитӕйы цыбыр ныдзӕвды фӕстиуӕгӕн.
