ЦХИНВАЛ, 15 ноя - Sputnik. Хуссар Ирыстоны спортсментӕ хайад райсдзысты РЦИ-Аланийы фыццагады ленк кӕнынӕй ноябры кӕрӕтты, афтӕ ма ерысты "Новогодние старты", кӕцытӕ ацӕудзысты Кропоткины 9-ӕй 14-ӕм декабрмӕ. Уый тыххӕй хъусын кӕны фӕсивӕдон политикӕ, спорт ӕмӕ туризмы комитеты пресс-службӕ тренер Евгения Терлеевайыл ӕнцойгӕнгӕйӕ.
"Спортсментӕн ис хорз ӕнтыстытӕ. Сӕ мотиваци сын ӕрхӕсдзӕн хорз фӕстиуджытӕ", - загъта тренер.
Евгения Терлеева банысан кодта, Хуссар Ирыстоны ленк кӕнын райдыдтой райтынг кӕнын 2016 азы. Куыст райдыдта тренерты ахуыр кӕнынӕй, уый фӕстӕ та спортсменты, ӕмӕ цыппӕрӕм аз цӕуы ахуырадон процесс. Хуссар Ирыстоны ленкгӕнджыты фыццаг ерыстӕ ацыдысты 2017 азы январы. Спортсментӕ фыццаг хатт ацыдысты республикӕйы ӕддейӕ ерыстӕм ацы аз февралы.
