Дунейы тыхджындæртæ: Хуссар Иры каратисттæ расгуыхтысты Мæскуыйы

ЦХИНВАЛ, 27 ноя - Sputnik, Плиты Фатимæ. Хуссарирыстойнаг спортсментæ Дудайты Донна æмæ Павел Швец ссисты Дунейы фыццагад æмæ чемпионаты уæлахиздзаутæ æппæтстилон каратэйæ, фехъусын кодта Sputnik сæ тренер Созайты Владимир.

Ерыстæ цыдысты Мæскуыйы 22-25 ноябры. Хуссар Иры командæйы сконды тох кодтой авд спортсмены.

"Чемпионаты стох кодта иу сылгоймаг æмæ дыууæ нæлгоймаджы, фыццагады та æртæ чызджы æмæ иу лæппу. Ерысты хатдзæгтæм гæсгæ, юниорты хсæн расгуыхт Дудайты Донна, уый ссис дунейы чемпион, хистæр кары уæлахидзау та у Павел Швец", - загъта Созайты Владимир.

Уый ма банысан кодта, ерысты кæй уыд æнахуыр тынг конкуренци - сæ командæтæ бавдыстой дунейы 35 бæстæйы æмæ Уæрæсейы 37 регионы, æмкæй дзы тох кодтой 1500 спортсмены.