Цхинвалы районы администраци рабӕрӕг кодта иууыл хуыздӕр шашистты

© Sputnik / Наталья АйриянТурнир шашкӕтӕй
Турнир шашкӕтӕй - Sputnik Хуссар Ирыстон
Уӕлахиздзау командӕтӕ райстой кубоктӕ, сӕрмагонд уӕлахиздзауты та схорзӕхджын кодтой майдантӕ ӕмӕ грамотӕтӕй. Хицӕн призӕй схорзӕхджын кодтой республикӕйы Цхинвалы районы сӕргълӕууӕджы

ЦХИНВАЛ, 28 ноя — Sputnik, Гӕбӕраты Элина. Хуссар Ирыстоны ацыд турнир уырыссаг шашкӕтӕй Цхинвалы районы администрацийы хайӕдты хсӕн. Фыццаг командон бынатыл ацыд финансон хайад, дыккагыл та ахуырады районон хайады командӕ, цытджын ӕртыккаг бынат райста районы мидхъуыддӕгты хайад.

© Sputnik / Элина ГабараеваТурнир уырыссаг шашкӕтӕй Цхинвалы районы администрацийы хайӕдты хсӕн
Цхинвалы районы администраци рабӕрӕг кодта иууыл хуыздӕр шашистты - Sputnik Хуссар Ирыстон
Турнир уырыссаг шашкӕтӕй Цхинвалы районы администрацийы хайӕдты хсӕн

Турниры хайад райстой авд командӕйы. Фӕсивӕд ӕмӕ спорты фӕдыл хайады хистӕр Тъуриты Тенгиз куыд радзырдта, афтӕмӕй ерыстӕ ацыдысты аккаг ӕмвӕзадыл.

"Тӕрхонгӕнджыты сконды уыдысты Лолоты Борис, Тедеты Вадим ӕмӕ Хъӕцмӕзты Лидия. Турнир сорганизаци кӕнынӕн нын баххуыс кодта районы сӕргълӕууӕг, ӕмӕ йын уый тыххӕй стыр бузныг", - банысан кодта Тъуриты Тенгиз.

Уӕлахиздзауты хорзӕхджын кодта районы администрацийы сӕргълӕууӕг Мамыттаты Вахтанг. Уый дзырд радта, турнир кӕй суыдзӕн егъау ӕмӕ ӕрвылазон спортивон цау.

© Sputnik / Элина ГабараеваТурнир уырыссаг шашкӕтӕй Цхинвалы районы администрацийы хайӕдты хсӕн
Цхинвалы районы администраци рабӕрӕг кодта иууыл хуыздӕр шашистты - Sputnik Хуссар Ирыстон
Турнир уырыссаг шашкӕтӕй Цхинвалы районы администрацийы хайӕдты хсӕн

Командӕтӕ райстой кубоктӕ, сӕрмагонд уӕлахиздзауты та схорзӕхджын кодтой майдантӕ ӕмӕ грамотӕтӕй. Хицӕн призӕй схорзӕхджын кодтой Мамыттаты Вахтангы. Хуссар Ирыстоны 2014 азы энтузиасттӕ сарӕзтой Шахматтӕ ӕмӕ шашкӕты федераци. Иу азы фӕстӕ организаци адих ис дыууӕ федерацийыл – шашкӕтӕ ӕмӕ шахмӕттыл.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала