ЦХИНВАЛ, 3 дек - Sputnik. Хуссар Ирыстоны столицӕйы майрӕмбоны, 6 декабры, ацӕудзӕн зындгонд зарӕггӕнӕг Пӕррӕстаты Георгийы сӕрмагонд концерт "Цхинвал, мæ зæрдæ дæ", хъусын кӕны республикӕйы Культурӕйы министрады пресс-службӕ.
Ирон нырыккон эстрадӕйы уарзджытӕ фехъусдзысты куыд популярон хиттӕ, афтӕ ног зарджытӕ дӕр.
"Пӕррӕстаты Георгиимӕ иумӕ ацы изӕр ралӕудзысты йе ‘мбӕлттӕ ӕмӕ коллегӕтӕ Евгений Воложанин, Джихаты Роман, Гуцаты Нодар, Саппиаты Зӕлинӕ, Икъаты Ибрагим, Багаты Шота, Текъойты Эльвира. Концерт уыдзӕн ахсджиаг цау столицӕйы культурон царды", - дзырдӕуы хъусинаджы.
Концерт ацӕудзӕн Хуссар Ирыстоны Культурӕйы министрады ӕххуысы руаджы.
