ЦХИНВАЛ, 5 дек – Sputnik, Козаты Диана. Хуссар Ирыстоны Гарзджын тыхты майрӕмбоны райсом сысты кодтой ахуырадон фӕдисы, загътой Хъахъхъӕнынады министрады пресс-службӕйы.
Ахуырадон мадзӕлттӕ уагъд цӕуынц хӕстон цӕттӕдзинады куырийы фӕлгӕтты.
Сӕ нысаниуӕг у хӕстон цӕттӕдзинады басгӕрст ӕмӕ Хуссар Ирыстоны ӕфсады дӕлхайӕдтӕ ӕмӕ къухдариуӕгады тренировкӕ.
"Ахуырадон фӕдисы рӕстӕджы ауагътой мадзӕлтты комплекс, цӕмӕй ӕркӕной ӕфсад хӕстон цӕттӕдзинады фӕтыхджындӕргонд къӕпхӕнмӕ. Багӕрстӕуыд ӕмархайд ӕмӕ бастдзинады организаци ӕфсӕддон къухдариуӕгады органтӕ ӕмӕ дӕлхайӕдты хсӕн", - загъта уагдоны пресс-службӕйы хистӕр Чехойты Инга.
Уый бафтыдта, зӕгъгӕ, хӕстон цӕттӕдзинады къуырийы мадзӕлттӕ адарддӕр кӕндзысты хӕслӕвӕрдтӕ сӕххӕст кӕныны онг.