Цхинвалы ацӕудзӕн театрализацигонд фестиваль "Къостайы удӕгас нывтӕ"

© Sputnik / Наталья АйриянЦхинвалы ацӕудзӕн театрализацигонд фестиваль "Къостайы удӕгас нывтӕ"
Цхинвалы ацӕудзӕн театрализацигонд фестиваль Къостайы удӕгас нывтӕ - Sputnik Хуссар Ирыстон
Рафыссын
Хетӕгкаты Къостайы куыстыты сюжеттӕ ӕвзонг артисттӕ хъуамӕ рацаразой 7-10 минутон инсценировкӕмӕ ӕмӕ йӕ балхынцъ кӕндзысты Къостайы равзаргӕ нывӕй

ЦХИНВАЛ, 6 дек — Sputnik. Республикӕйы фӕсивӕдон политикӕ, спорт ӕмӕ туризмы комитет Хетӕгкаты Къостайы номыл Паддзахадон драмон театримӕ иумӕ уадзы театрализацигонд фестиваль "Къостайы удӕгас нывтӕ", хъусын кӕны уагдоны пресс-службӕ.

Хетӕгкаты Къостайы 160-азон юбилейы бӕрӕгбон Нары - Sputnik Хуссар Ирыстон
Сӕйраг культурон цау: Ирыстоны банысан кодтой Хетӕгкаты Къостайы 160-азон юбилей

Мадзалы организаторты ныхӕстӕм гӕсгӕ, фестивалы сӕйраг хӕслӕвӕрдтӕй иу у ирон адӕмы культурон бынты актуализаци Хетӕгкаты Къостайы уацмыстӕ ӕмӕ нывты руаджы.

Фестивалы хайад райсдзысты Цхинвалы скъолаты театралон къордтӕ.

"Конкурсанттӕ бавдисдзысты сӕ сӕфлдыстадон куыстытӕ "удӕгас нывты" жанры. Алкӕцы скъола дӕр равзардзӕн ирон классикы нывтӕй иу. Хетӕгкаты Къостайы куыстыты сюжеттӕ ӕвзонг артисттӕ хъуамӕ рацаразой 7-10 минутон инсценировкӕмӕ. Равдыст хъуамӕ балхынцъ уа Къостайы равзаргӕ нывӕй", - дзырдӕуы хъусинаджы.

Хуссар Ирыстоны президенты барамындӕй 2019 аз республикӕйы расидтысты Къостайы азӕй. 15 октябры республикӕйы ӕхсӕнад банысан кодта поэты 160-азон юбилей. Азы дӕргъы республикӕйы столицӕ ӕмӕ районты уагъд цыдысты мысӕн мадзӕлттӕ, поэтикон конкурстӕ, равдысттӕ.

Ног хабӕртты лентӕ
0