Хуссарирыстойнаг теннисисткæ рамбылдта Мæскуыйаг студентон хъæзтыты "æвзист"

© Из личного архива Мириана ДжиоеваЕлбачиты Ирина
Елбачиты Ирина - Sputnik Хуссар Ирыстон
Рафыссын
Ерысты фæлгæтты Елбачиты Ирина рамбылдта 19 тохы, фондзы та фæхæрд ис, уый хыгъд ссис æвзист призер

ЦХИНВАЛ, 11 дек — Sputnik, Плиты Фатимæ. Хуссар Ирæй рацæугæ спортсменкæ Елбачиты Ирина рамбылдта æвзист майдан XXXII Мæскуыйаг студентон спортивон хъæзтыты, фехъусын кодта Sputnik Хуссар Ирыстоны теннисы федерацийы президент Джиоты Мириан.

Елбачиты Ирина цалынмæ ахуырмæ ацыд, уæдмæ хъахъхъæдта Хуссар Ирыстоны спортивон кад, у спорты мастермæ кандидат.

Чызг ахуыр кæны Национ иртасæн университеты Экономикæйы уæлдæр скъолайы цыппæрæм курсы. Ис мæскуыйаг командæ "Покровка"-йы сконды.

"Ерысты фæлгæтты Елбачиты Ирина рамбылдта 19 тохы, фондзы дзы фæхæрд ис. Финалы тох кодтой нæ спортсменка, Тузова æмæ Моргунова. Дыууæтæн дæр уыд стыр рейтинг, иуы дзы рамбылдта, аннæ йæхæдæг уыд тыхджындæр. Уый хыгъд Елбачиты Ирина ссис æвзист призер", - загъта Джиоты Мириан.

Тренеры ныхæстæм гæсгæ, Елбачиты Ирина æрбалæугæ азы та ногæй бацæудзæн ерыскæнæн этапмæ - ныр та чызг тох кæндзæн Уæрæсейы чемпионаты уæлыстол теннисæй.

© Из личного архива Мириана ДжиоеваЕлбачиты Ирина
Хуссарирыстойнаг теннисисткæ рамбылдта Мæскуыйаг студентон хъæзтыты æвзист - Sputnik Хуссар Ирыстон
Елбачиты Ирина
Ног хабӕртты лентӕ
0