ЦХИНВАЛ, 13 дек - Sputnik. Хуссар Ирыстоны премьер-министр Пухаты Эрик схорзӕхджын кодта хицауады аппараты кусджыты уагдонон хорзӕхтӕй, хъусын кӕны хицауады пресс-службӕ.
"Цӕсгомджын куыст ӕмӕ стыр профессионализмы тыххӕй Республикӕ Хуссар Ирыстоны хицауады кады грамотӕтӕй схорзӕхджын кодтой: Кокойты Руслан ӕмӕ Азӕмӕт Чамоковы, Республикӕ Хуссар Ирыстоны хицауады грамотӕтӕй – Зӕгъойты Оксана, Джыгкайты Алина ӕмӕ Коцты Людмилайы", - дзырдӕуы хъусинаджы.
Пухаты Эрик раарфӕ кодта хицауады кусджытӕн сгуыхт хорзӕхтӕ райсыны цытӕн ӕмӕ бахахх кодта, хицауады аппараты куысты ӕнтыстытӕ аразынц адӕм, кӕцытӕ бӕрнон ӕххӕст кӕнынц сӕ хӕслӕвӕрдтӕ.
"Уырны мӕ, сымах дарддӕр ноджы хуыздӕр кӕй ӕххӕст кӕндзыстут уӕ хӕслӕвӕрдтӕ", - банысан кодта хицауады сӕрдар.
Хуссар Ирыстоны хицауадон хорзӕхтӕ сарӕзтой 2019 азы июны. Хорзӕхтӕ райсынц ӕххӕстгӕнӕг органты иууыл хуыздӕр кусджытӕ.
