ЦХИНВАЛ, 17 дек — Sputnik. Зындгонд ирон къамисæг æмæ блогер Гасситы Михаил ныммыхуыр кодта видеоролик Ирыстоны диссаджы рæсугъд фæззыгон пейзажтимæ. Видео ист æрцыд уæлæрвтæй дроны æххуысæй.
Посмотреть эту публикацию в Instagram
Кадрты æвдыст æрцыдысты "сыгъзæрин" ирон фæззæджы ахорæнтæ иууылдæр, семæ æмдзу кæны зынгæ ирон композитор, Хуссар Ирыстоны Кады зарæджы автор Ӕлборты Феликсы уацмыс "Экспромт".
"Ацы видео - эмоцитæ æмæ æнкъарæнты тыххæй, кæцыты æз æвзарын мæ райгуырæн зæхмæ. Дидин æфтау, Алани", - ныффыста Михаил йæ видеороликы бын.
Видео стыр æхцондзинад æрхаста Интернетæй пайдагæнджытæн, уыдон йæ бынмæ фыссынц сæдæгай зæрдæскъæфт комментаритæ.