Мыздтӕ фылдӕр кӕндзысты: Мӕскуыйы адарддӕр кодтой Хуссар Иримӕ бадзырды ӕмгъуыд

© Sputnik / Евгений Епанчинцев / Ахизын фотобанкмӕӔхцатӕ
Ӕхцатӕ  - Sputnik Хуссар Ирыстон
Бафыссын
Yandex newsTelegram
Хуссар Ирыстоны бюджетон фадыджы кусджыты мыздты индексаци уагъд цӕуы уӕрӕсейаг-хуссарирыстойнаг бадзырдмӕ гӕсгӕ паддзахадон ӕмӕ муниципалон уагдӕтты кусджыты мыздтӕ фӕфылдӕр кӕныны фӕдыл

ЦХИНВАЛ, 18 дек - Sputnik. Мӕскуыйы ӕртыццӕджы бафыстой Хуссар Ирыстон ӕмӕ Уӕрӕсейы хсӕн Бадзырды протокол Уӕрӕсейы фӕрӕзты руаджы республикӕйы паддзахадон ӕмӕ муниципалон уагдӕтты кусджыты мыздтӕ фӕфылдӕр кӕныны фӕдыл, хъусын кӕны РХИ минӕварады пресс-службӕ.

Экономикӕйы министрад фехъусын кодта астӕуккаг мызд Хуссар Иры ӕмӕ йӕ рӕзыны темптӕ - Sputnik Хуссар Ирыстон
Экономикӕйы министрад фехъусын кодта астӕуккаг мызд Хуссар Иры ӕмӕ йӕ рӕзыны темптӕ

Документмӕ гӕсгӕ Бадзырды ӕмгъуыд адарддӕр кодтой 2022 азы 31 декабрмӕ.

"Бадзырдмӕ гӕсгӕ Республикӕ Хуссар Ирыстоны паддзахадон ӕмӕ муниципалон уагдӕтты кусджыты мыздтӕ фӕфылдӕр кӕндзысты Цӕгат Кавказы федералон зылды мыздты ӕмвӕзадмӕ", - дзырдӕуы дипминӕварады хъусинаджы.

Протокол бафыстой Хуссар Ирыстоны минӕвар Уӕрӕсейы Гасситы Знауыр ӕмӕ Уӕрӕсейы фӕллойады министр Максим Топилин.

Уӕрӕсейаг-хуссарирыстойнаг бадзырд паддзахадон ӕмӕ муниципалон уагдӕтты кусджыты мыздтӕ фӕфылдӕр кӕныны фӕдыл бафыстой 2016 азы декабры.

2017-2018 ӕзты республикӕйы мыздты индексацийӕн рахицӕн кодтой фӕйнӕ 195 милуан соммӕ ӕввахс. Мыздтӕ фӕфылдӕр кодтой ахуырад, медицинӕ, культурӕ, физикон культурӕ ӕмӕ спорт, ветеринартӕ ӕмӕ ДИФ-ты фадыджы.

Ног хабӕртты лентӕ
0