Дзауы астæуккаг скъолайы ахуыргæнинæгтæ ауагътой хæрзаудæн концерт Цхинвалы Медико-социалон центры цæрджытæн. Сывæллæттæ равдыстой сæ арæхстдзинад кафт æмæ зарды, бакодтой зæрдылдарæн лæвæрттæ районы администрацийы сæргълæууæджы номæй.
“Тынг рагæй нæ фæндыд социалон центры цæрджытæн сæ зæрдæтæ барухс кæнын æмæ фенын сæ царды уавæртæ”, - загъта скъолайы организатор Коцты Роза.
Уый ма банысан кодта, сывæллæттæ тынг кæй фæцин кодтой, кæй сын фæзынд ахæм фадат æмæ бæрæгбоны агъоммæ бахъæлдзæг кæной зæронд адæмы зæрдæтæ.
