Сæхи зарæг: "Симд"-æн фæзындзæн гимн

© Sputnik / Наталья Айриян"Симд"-æн фæзындзæн йæхи гимн
Симд-æн фæзындзæн йæхи гимн - Sputnik Хуссар Ирыстон
Бафыссын
Yandex newsTelegram
Гимн райгуырдзæн Галуанты Людмилайы æмдзæвгæ æмæ Саппиаты Зæлинæйы музыкæйæ, сæххæст æй кæндзæн зындгонд зарæггæнæг Хаситы Сослан

ЦХИНВАЛ, 23 дек - Sputnik, Плиты Фатимæ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд"-æн фæзындзæн йæхи гимн. Сæрмагонд зарæг ныффысдзысты Дзæуджыхъæуы Галуанты Людмилайы æмдзæвгæйы бындурыл, фехъусын кодта Sputnik музыкæйы автор, Хуссар Иры сгуыхт артисткæ Саппиаты Зæлинæ.

"Фæзынд хъуыды саразын ансамблы ног гимн. Уый уыдзæн мæ музыкæйыл æвæрд Галуанты Людмилæйы æмдзæвгæ "Симд", æххæст æй кæндзæн Хаситы Сослан", - загъта Саппиаты Зæлинæ.

Уый ма банысан кодта, гимн кæй айзæлдзæн ансамблы æввахс концерты.

Ацы аз сæрды кæрон бæстæйы кафт æмæ зарды сæйраг ансамблы сконды æрцыд гуырхастджын ивындзинæдтæ – ранæуæг кодтой кафджыты, музыкантты æмæ зарæггæнджыты сконд, нысан æрцыдысты ног аивадон къухдариуæггæнæг æмæ директор. Ныридæгæн коллектив рæстæгмæ æрхæхгæдта концертон куыст.

Ног хабӕртты лентӕ
0