ЦХИНВАЛ, 27 дек — Sputnik, Гӕбӕраты Элина. Зынгфӕдисонтӕ аиуварс кодтой зынгсирвӕзт микрорайон "Хурзӕрин"-ы сӕрмӕ Хуссар Ирыстоны столицӕйы цур, фехъусын кодта Уӕлвӕткон уавӕрты министрады (УУМ) пресс-секретарь Тедеты Роза.
Уый бахахх кодта, 30 зынгфӕдисоны цыппӕрӕмы райсомӕй фӕстӕмӕ хуыссын кодтой хус кӕрдӕджы ссыгъд хъӕдрӕбын.
"Уыдон артимӕ тох кодтой къухӕй, уымӕн ӕмӕ сӕрмагонд техникӕйӕн фадат нӕ уыд бацӕуын зынгсирвӕзты бынатмӕ. Знон зынгфӕдисонтӕ ахуыссын кодтой арт ӕмӕ йӕ нӕ бауагътой аххӕссын ӕндӕр бынӕттӕм", - радзырдта Тедеты Роза.
Цыппӕрӕмы райсом УУМ ӕрӕмбырд кодтой кусджыты, 11.00 сахатыл та къорд уыд зынгсирвӕзты бынаты.
"Ауагътам разӕсгӕрст, сбӕрӕг кодтам 15 зынгсирвӕзты, уый фӕстӕ зынгфӕдисонтӕ бавнӕлдтой арт хуыссын кӕнынмӕ. 17.30 сахатыл зынгсирвӕзттӕ аиуварс кодтам", - радзырдта РХИ УУМ тыхтӕ цӕттӕ кӕныны хайады хистӕр Захарты Инал.
Уый размӕ зынгфӕдисонтӕ аиуварс кодтой зынгсирвӕзттӕ Ленингоры районы цæрæн пункттæ Канчабет, Раздахæн, Цолд, Знауыры районы хъæу Схлиты æмæ Цхинвалы районы Къусрет, Прис, æмæ Стыркомы хъæуты.
