ЦХИНВАЛ, 30 дек - Sputnik. Хуссар Ирыстоны парламенты сӕрдар Тадтаты Алан радта сывӕллӕттӕн лӕвӕрттӕ "Бӕллицты фонтан"-ы фӕлгӕтты. Уый сӕххӕст кодта ӕртӕ сывӕллоны бӕллицтӕ, хъусын кӕны закондӕттӕг органы пресс-службӕ.
Кокойты Барсӕгӕн радтой велосипед, Лохты Вандайӕн гироскутер, Владимир Кравченкойӕн та телефон.
Парламенты спикер раарфӕ кодта сывӕллӕттӕн ӕрбалӕугӕ Ног азы цытӕн ӕмӕ сын йӕ цӕст бауарзта ӕнӕниздзинад, хорздзинад ӕмӕ ӕнтыстытӕ.
"Арфӕ уын кӕнын Ног азы цытӕн. Мӕ цӕст уын уарзы, цӕмӕй ацы аз балӕвар кӕна бирӕ хъӕлдзӕгдзинад", - загъта Тадтаты Алан.
Сывӕллӕттӕ загътой бузныг закондӕттӕг органы сӕрдарӕн лӕвӕрттӕ тыххӕй, афтӕ ма дзырд радтой, хорз кӕй ахуыр кӕндзысты.
Акци "Бӕллицты фонтан" райдыдта 1 декабры 2017 азы ӕмӕ ацыд Хуссар Ирыстоны президенты ӕмархайдӕй. Проект уагъд цӕуы сывӕллӕтты хӕдзар ӕмӕ скъола-интернатты хъомылгӕнинӕгтӕн. Афтӕ ма акцийы хайад исынц ӕххуысхъуаг бинонты сывӕллӕттӕ.
