ЦХИНВАЛ, 31 дек - Sputnik. Хуссар Ирыстоны Мидхъуыддӕгты министрады (МХМ) кусджытӕ дыццӕгӕй, 31 декабрӕй, рахиздзысты службӕйы фӕтыхджындӕргонд режиммӕ. Уый тыххӕй Sputnik фехъусын кодтой республикӕйы МХМ пресс-службӕйы.
Ахӕм скъуыддзаг рахастой рабадтыл, кӕцы ацыд мидхъуыддӕгты министры хӕдивӕг, ӕхсӕнадон ӕдасдзинады милицийы хистӕр, милицийы инӕлар-майор Пухаты Мерабы къухдариуӕгады бын.
"Организацион-практикон мадзӕлттӕ сӕххӕст кӕныны фӕдыл бӕрнон адӕм ӕрныхас кодтой ӕхсӕнадон фӕтк бахъахъхъӕныныл ӕмӕ ӕмбӕстӕгты ӕдасдзинад сӕххӕст кӕныныл", - дзырдӕуы МХМ пресс-службӕйы хъусинаджы.
Нывӕзтмӕ гӕсгӕ, Ног азы бӕрӕгбоны рӕстӕджы ӕхсӕнадон фӕтк хъахъхъӕндзысты МХМ 500 кусӕгмӕ ӕввахс.
