ХИПУ æмæ ЛНУ ректортæ радзырдтой сæ фемблæлды фæстиуджыты тыххæй Цхинвалы

© Sputnik / Наталья АйриянПресс-конференци
Пресс-конференци - Sputnik Хуссар Ирыстон
Бафыссын
НовостиTelegram
Луганскаг Адæмон республикæйы Национ университеты минæвæрттæ æрцыдысты Цхинвалмæ кусæгон балцы, уыдон ныридæгæн бафыстой æмгуыстады фæдыл сразыдзинад ХИПУ-имæ

ЦХИНВАЛ, 16 янв - Sputnik, Гæбæраты Ян. Дыууæ сæйраг аххосаджы ис Хуссар Ирыстонмæ æрцæуынæн - куыстуарзаг адæм æмæ диссаджы æрдз, загъта Sputnik-ы пресс-конференцийы Луганскаг национ университеты (ЛНУ) ректор Елена Трегубенко.

ЛАР национ университет ацы аз марты нысан кæны йæ 99 азы - уый у ХИПУ-йы æмкар. Абон ЛНУ ис авд ахуырадон корпусы, фондз æмдзæрæндоны, спортивон корпус, 20 компьютерон къласы, обсерватори æмæ музейтæ.

© Sputnik / Наталья АйриянЕлена Трегубенко
ХИПУ æмæ ЛНУ ректортæ радзырдтой сæ фемблæлды фæстиуджыты тыххæй Цхинвалы - Sputnik Хуссар Ирыстон
Елена Трегубенко

Елена Трегубенко, йæ хæдивæг Галина Сорокина æмæ ХИПЙ-йы сæргълæууæг Тедеты Вадим фембæлдысты журналисттимæ Sputnik пресс-центры.

Тедеты Вадим университетты хсæн æмгуыстадæн саргъ кодта куыд "эфективон". Уый банысан кодта, фарсытæ кæй ауагътой кусæгон æмбырд ХИПУ-йы æмæ бафыстой æмгуыстады бадзырд. Уазджытимæ ма фембæлд президент Бибылты Анатолий дæр.

"Фидарæй мæ бон у зæгъын, уыцы бадзырдæн кæй уыдзæн фæстиуджытæ", - загъта Тедеты Вадим.
© Sputnik / Наталья Айриян Тедеты Вадим
ХИПУ æмæ ЛНУ ректортæ радзырдтой сæ фемблæлды фæстиуджыты тыххæй Цхинвалы - Sputnik Хуссар Ирыстон
Тедеты Вадим

ЛНУ ректор дæр бахахх кодта, хуссарирыстойнаг коллегæтимæ сын кæй ис куысты стыр фронт.

Афтæ ма ректортæ банысан кодтой, кæй бадзырдтой куыстыты иумæйаг æмбырдгонд уадзын., кæрæдзи ахуырадон уагдæтты лекцитæ кæсын, диссертацитæ хъахъхъæнын.

ЛНУ проректор Галина Сорокина ХИПУ-йæ йæ тæлмæнты тыххæй дзургæйæ, банысан кодта студентты "судзгæ цæстытæ" æмæ сæ энтузиазм.

"Мах фембæлдыстæм ХИПУ-ТВ журналисттимæ, радзырдтам сын нæ студийы тыххæй æмæ сын банхъардтам иумæйаг передачæтæ уадзын", - балхъынцъ кодта проректор.

© Sputnik / Наталья АйриянГалина Сорокина
ХИПУ æмæ ЛНУ ректортæ радзырдтой сæ фемблæлды фæстиуджыты тыххæй Цхинвалы - Sputnik Хуссар Ирыстон
Галина Сорокина
Ног хабӕртты лентӕ
0