ЦХИНВАЛ, 16 янв — Sputnik. Уæрæсей футболы æмбырдгонды архайгæ сæйраг тренер Черчесты Станиславимæ Уæрæсейы футболон цæдис (УФЦ) фæнд кæны адарддæр кæнын æмгуыстады бадзырд, хъусын кæны 15 регион.
Рауагъды информацимæ гæсгæ, ног бадзырд аххæсдзæн 2022 азы онг.
"Уæрæсейы футболон цæдис (УФЦ) æрныхас кодта ног бадзырдыл национ командæйы сæйраг тренер Черчесты Станиславимæ. Бæрæггонд куыд цæуы, афтæмæй бадзырды бафыст нысангонд у ног къуыримæ", - дзырдæуы хъусинаджы.
Уæ зæрдыл уын лæууын кæнæм, Черчесты Станислав Уæрæсейы æмбырдон командæйы сæргъы кæй æрлæууыд 2016 азы. Йæ разамындæй бæстæйы сæйраг командæ бахæццæ 2018 азы дунейы чемпионаты финалы 1/4-мæ, стæй ма æмгъуыдæй раздæр рацыд Евро-2020-ы кæронбæттæны хаймæ.
