ЦХИНВАЛ, 22 янв — Sputnik, Плиты Фатима. Хуссар Ирыстоны дыууæ ахуырдадон уагдоны скъоладзаутæ бавдисдзыты музыкалон-литератуон композици "Листая творчество Коста". Сфæлдыстадон изæр ацæудзæн Паддзахадон театры, майрæмбоны, фехъусын кодта Sputnik ахуырады министрады минæвар Джиоты Эльза.
Мадзал баццæттæгонд æрцыд Хетæгкаты Къостайы азы цытæн, финансон хæрдзтæ йæхимæ райста хицауад.
"Музыкалон-литературон композици "Листая творчество Коста" цæттæ кæнынц Аивæдты лицей æмæ гимнази "Альбион". Бирæ бæрцæй йæ нывæзт махæн дæр у сусæггаг, фæлæ фидарæй бæрæг у ам æвдыст æрцæудзысты Къостайы уацмыстæ, йæ хуызфыссынады куыстытæ", - Джиоты Эльза.
Хуссар Ирыстоны паддзахады разамонæг Бибылты Анатолийы барамындæй 2019 аз расидт æрцыд Хетæгкаты Къостайы азæй. Ивгъуыд азы дæргъы Цхинвал æмæ районты ацыд къорд мысæн мадзæлттæ.
