ЦХИНВАЛ, 28 янв — Sputnik, Гӕбӕраты Элина. Хуссар Ирыстоны Дзауы районы Борджнисы хъӕуы басыгъд хисӕрмагонд хӕдзар, фехъусын кодтой Sputnik республикӕйы УУМ радгӕсон хайады.
"Хъусинаг нӕм ӕрбацыд 20.45 сахатыл. Бӕллӕхы бынатмӕ зынгфӕдисонтӕ ацыдысты уайтагъд, фӕлӕ хӕдзар аирвӕзын кӕнын нӕ бантыст - хъӕдын агъуыст цыбыр рӕстӕгмӕ асыгъд. Цауы фӕстиуӕгӕн зианбаййафджытӕ нӕй, хъӕдзары цард иу сылгоймаг", - радзырдтой радгӕсон хайады.
УУМ ма бафтыдтой, дыццӕджы Борджнисмӕ кӕй ацыд экспертты къорд зынгсирвӕзты аххосӕгтӕ рафӕлгъауыны нысанӕн.
