Стыр нывӕзтытӕ: Цхинвалы байгом ис доны полойы сывӕллӕтты секци

Рафыссын
Тренер Юрий Яновский банысан кодта ацы спорты хорз перспективӕтӕ Хуссар ирыстоны, уымӕн ӕмӕ республикӕйы ис бирӕ курдиатджын сывӕллӕттӕ

ЦХИНВАЛ, 7 фев — Sputnik. Цхинвалы спорты галуан "Олимп"-ы райдыдта кусын доны полойы сывӕллӕтты секци, хъусын кӕны республикӕйы фӕсивӕдон политикӕ, спорт ӕмӕ туризмы комитеты пресс-службӕ.

Хуссар Иры тыхджындӕр ленкгӕнджытӕ ралӕууыдысты республикӕйы чемпионаты - Sputnik Хуссар Ирыстон
Хуссар Иры тыхджындӕр ленкгӕнджытӕ стох кодтой республикӕйы чемпионаты

Тренировкӕты процесс райдыдта 1 февралы. Ӕвзонг спортсментӕ тренировкӕ кӕнынц ССРЦ спорты мастермӕ кандидат, ӕппӕтцӕдисон спортивон ӕхсӕнад "Динамо"-йы чемпионаты уӕлахиздзау, ССРЦ фыццагады ӕвзист призер Юрий Яновскийы къухдариуӕгады бын.

"Рагӕй мӕ фӕндыд бакӕнын доны полойы секци Хуссар Ирыстоны – нырма 90-ӕм ӕзтӕй фӕстӕмӕ, мӕ бинонтимӕ цӕрынмӕ куы 'рцыдтӕн Цхинвалмӕ. Горӕты бассейнтӕ куы фӕзынд, уӕд цӕуын райдыдтон "Олимп"-мӕ тренировкӕтӕм. Уый фӕстӕ уым кусын райдыдтон ленк кӕныны тренерӕй, ӕмӕ мӕ 'рфӕндыд саразын доны полойы секци", - хъусын кӕны тренеры ныхӕстӕ комитеты пресс-службӕ.

Республикӕйы доны полойы секци саразыны хъуыды хорзыл банымадта паддзахады сӕргълӕууӕг Бибылты Анатолий, кӕцыйы руаджы абоны бон "Олимп"-ы бассейны ис ӕнӕмӕнгхъӕугӕ ифтонггарз.

Яновскийы ныхӕстӕм гӕсгӕ, секцийы нывӕндынц цӕттӕ кӕнын спортсменты, кӕцытӕ хъахъхъӕндзысты Хуссар Ирыстоны кад ӕппӕтуӕрӕсейон ӕмӕ ӕхсӕнадӕмон ерысты, ӕмӕ сӕрыстырӕй сӕхи хондзысты зындгонд спортсмен ӕмӕ тренер Харебаты Георгийы фӕдонтӕ.

Ног хабӕртты лентӕ
0