ЦХИНВАЛ, 14 фев – Sputnik, Плиты Фатимæ. Хуссар Ирыстоны сараздзысты Уæрæсемæ æнгæс æфсæддон æмтохæдты цæдис, фехъусын кодтой Sputnik фæсивæдон политика спорт æмæ туризмы комитеты пресс-службæйы.
Хуссар Ирыстонмæ фæуазæг ис Уæрæсейы æппæтстилон каратэйы федерацийы хистæр æмæ уæрæсейаг æфсæддон æмтохæдты цæдисы æххæстгæнæг директор Рамиль Габбасов, уымæн уыд фембæлд хицауады сæрдар Пухаты Эрикимæ.
"Спорты комитеты хистæр Зассеты Сергей æмæ Рамиль Габбасов æруынаффæ кодтой Хуссар Ирыстоны æфсæддон æмтохæдты цæдис саразыны лыстæгдзинæдтыл. Уазæг базонгæ кодта Уæрæсейы ацы цæдисы куыстимæ", - дзырдæуы хъусинаджы.
Уым ма банысан кодтой, æфсæддон æмтохæдты цæдисæн сæ куысты æххуыс кæндзысты сæ уæрæсеаг коллегæтæ.
