Миллиарды аргъ продукци: куыд куыста Хуссар Иры хъӕууон хӕдзарад 2019 азы

© Sputnik / Наталья АйриянКуыд куыста Хуссар Иры хъӕууон хӕдзарад 2019 азы
Куыд куыста Хуссар Иры хъӕууон хӕдзарад 2019 азы - Sputnik Хуссар Ирыстон
Республикӕйы продукци уадзынц зӕхкусӕгон-фермерон ӕмӕ сӕрмагонд хӕдзарадтӕ, кӕцыты продукци реализаци цӕуы Хуссар Ирыстоны мидӕггагон базары

ЦХИНВАЛ, 26 фев - Sputnik. Хуссар Ирыстоны хъӕууон хӕдзарады амалиуӕггӕнджытӕ 2019 азы рауагътой 944 милуан сомӕй фылдӕры аргъ продукци. Уыдонӕй 93 проценты рауагътой сӕрмагонд хӕдзарадтӕ ӕмӕ авд проценты та зӕхкусӕгон-фермерон хӕдзарадтӕ.

Хуссар Иры хъӕууон хӕдзарады министрад радзырдта ацы азы тыллӕг ӕмӕ техникӕйы цухдзинады тыххӕй - Sputnik Хуссар Ирыстон
Хуссар Иры хъӕууон хӕдзарады министрад ацы азы тыллӕг ӕмӕ техникӕйы цухдзинады тыххӕй

Уый тыххӕй фехъусын кодта республикӕйы Хъӕууон хӕдзарады министрады сӕргълӕууӕг Пухаты Лев уагдоны хыгъдон рабадтыл, цы ран хайад райста вице-премьер – экономикон райрӕзты министр Бекъойты Геннадий.

Пухаты Левы ныхӕстӕм гӕсгӕ, ивгъуыд аз ӕрӕмбырд кодтой хоры ӕмӕ хъӕдуры культурӕйы 33819,9 центнеры, уый 10752,4 центнеры фылдӕр у фарон азы ӕмвӕзадӕй.

"Хорзайӕн фылдӕр кӕны 58,5 проценты бӕрц. Афтӕ ма республикӕйы фылдӕр кӕны нартхор ӕмӕ хъӕдуры ӕмбырдкӕнынад 2018 азмӕ абаргӕйӕ 484,5 центнеры бӕрц", - хъусын кӕны Пухаты Левы ныхӕстӕ республикӕйы хицауады пресс-службӕ.

Рабадты фӕстиуджытӕм гӕсгӕ, вице-премьер бахӕс кодта Хъӕууон хӕдзарады министрады кусджытӕн ауадзын 2020 азы стурты нымӕцы инвентаризаци, фӕфылдӕр кӕнын хъӕууон хӕдзарады зӕххытӕ ӕмӕ дарддӕр уадзын мониторинг республикӕйы эпизоотикон уавӕры фӕдыл.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала