ЦХИНВАЛ, 27 фев — Sputnik, Плиты Фатимӕ. Фæсивæдон политикæ, спорт æмæ туризмы комитет хоны æвзонг журналистты дыккаг æппæтреспубликон конкурс "Особый стиль"-ы хайадистмæ. Сæ куыстытæ сæ бон у бавдисын 14 – 30 азы кары фæсивæдæн, хъусын кæны уагдоны пресс-службæ.
Куырдиæттæ ист цæудзысты 26 февралæй 31 мартмæ.
"Конкурс уагъд цæуы æртæ номинацийы: "Лучшая публикация", "Лучший фотоматериал" æмæ "Лучший социальный видеоролик". Мадзалы нысан у цæрджыты хъусдард аздахын республикæйы актуалон фарстытæ æмæ сæ аскъуыддзаг кæнынмæ журналистон æрмæджыты ууылты", - дзырдæуы хъусинаджы.
Уым ма банысан кодтой, конкурсы æнтыстджын архайджытæ райсдзысты комитеты хицæн къæпхæны дипломтæ æмæ зæрдылдарæн лæвæрттæ.
Хуыздæр куыстытæ мыхуыр цæудзысты паддзахадон ДИФ-ты.
