Хуссар Иры загътой иууыл ӕфтиагджындӕр куыстуатты номхыгъд

© Sputnik / Наталья АйриянХицауад
Хицауад - Sputnik Хуссар Ирыстон
Рафыссын
Хуссар Ирыстоны раздзӕуӕг куыстуатты фылдӕр хай ивгъуыд азы равдыстой хорз бӕрӕггӕнӕнтӕ

ЦХИНВАЛ, 5 мар - Sputnik. Хуссар Ирыстоны ивгъуыд азы куыстой ӕмӕ равдыстой хорз бӕрӕггӕнӕнтӕ фондз сӕудӕджерадон куыстуаты: Паддзахадон унитарон куыстуæттӕ "Бӕгъиаты завод", "Электровибромашина", "Арӕзтадон ӕрмӕджыты завод", "Хуссар Ирыстоны дзулфыцӕн комбинат", "Цхинвалы хъӕды комбинат".

Уый тыххӕй радзырдта транспорт, сӕудӕджерад ӕмӕ энергетикӕйы комитеты сӕрдарды хӕстӕ ӕххӕстгӕнӕг Коцты Петр 2019 азы фӕдыл хыгъдон рабадтыл, цы ран хайад райста вице-премьер Бекъойты Геннадий, хъусын кӕны хицауады пресс-службӕ.

"Хыгъдон периоды сӕудӕджерадон куыстуатты цӕттӕ продукцийы рауагъды иумӕйаг бӕрцуат рацыд 183 милуан 961 мин сомы", - загъта Коцты Петр.

Куыстуатты фылдӕр хайы рауадзгӕ продукци фӕфылдӕр. "Хуссар Ирыстоны дзулфыцӕн куыстуат" рауагъта продукци 96 милуан сомӕй фылдӕры аргъыл – уый 1,57% фылдӕр у 2018 бӕрӕггӕнӕнтӕй.

Хъæдæрмæг - Sputnik Хуссар Ирыстон
Инвестор æрцæуы: Хуссар Ирыстоны байгом уыдзæн ног хъæдкусæн комбинат

Рауадзгӕ продукцийы бӕрцуаты рӕзт равдыста "Арӕзтадон ӕрмӕджыты завод" дӕр, кӕцы рауагъта продукци 38 милуан сомӕй фылдӕры аргъыл. Цӕттӕ продукцийы рауагъды бӕрцуат фӕфылдӕр уымӕн, ӕмӕ куыстуат хайад иста арӕзтадон-цалцӕггӕнӕн процессы Хуссар Ирыстоны территорийыл.

Коцты Петр бахахх кодта, зӕгъгӕ, сӕудӕджерадон рауагъды бӕрцуат фӕфылдӕр кӕныны нысанӕн, комитет сарӕзта ӕмӕ бавдыста республикӕйы къухдариуӕгадмӕ сӕудӕджерадон куыстуатты райрӕзты Программӕ, кӕцымӕ гӕсгӕ смодернизаци кӕндзысты Паддзахадон унитарон куыстуаттӕ.

Ног хабӕртты лентӕ
0