Коронавирус "расырдта" хуссарирыстойнаг студентты Мæскуыйы университеттæй

© Из личного архива Аланы КочиевойКоронавирус "расырдта" хуссарирыстойнаг студентты Мæскуыйæ
Коронавирус расырдта хуссарирыстойнаг студентты Мæскуыйæ - Sputnik Хуссар Ирыстон
Рафыссын
Мæскуыйы уæлдæр ахуыргæнæндæтты цы хуссарирыстойнаг студенттæ ахуыр кæнынц, уыдон здæхынц фæстæмæ сæ хæдзæрттæм - 23 мартæй сын райдайдзæн дистанцион ахуыр

ЦХИНВАЛ, 17 мар — Sputnik, Плиты Фатимæ. Хуссар Ирыстонæй Уæрæсейы уæлдæр ахуыргæнæндæтты цы студенттæ ахуыр кæнынц, уыдон æрвитынц сæ райгуырæн бæстæмæ, мадзæлттæ ист цæуынц кононавирусæй бахизыны нысанæн, загъта Sputnik ӔАМПИ студентка Коцты Аланæ.

Йæ ныхæстæм гæсгæ, ахæм уавæры канд ӔАМПИ нæй, æнгæс мадзæлттæ ма исынц аннæ уæлдæр ахуыргæнæндæттæ дæр - æхгæд цæуынц æмдзæрæндæттæ, студенттæм хатынц аздæхын сæхимæ.

"17 мартæй 2 апрельмæ ӔАМПИ (МГИМО) у æхгæд, ахуыр чи кæны, уыдонæн, ахуыры формæ æмæ æмвæзадмæ æнæкæсгæйæ. 23 мартæй та студенттæн райдайдзæн ахуыр дистанцион форматы. Ныридæгæн арæзт цæуы ацы ахуыры нывæзт. Студенттæ æртыццæгæй райдайдзысты здæхын Хуссар Ирмæ", - загъта Коцты Аланæ.

Уый ма банысан кодта, Хуссар Ирмæ фæсарæнтæй цы студенттæ цæуы, уыдон æнæмæнгæй кæй хъæуы басгарын арæныл.

Хуссарирыстойнаг студенттæ адарддæр кæндзысты ахуыр ӔАМПИ-ы бакалавриаты - Sputnik Хуссар Ирыстон
Хуссарирыстойнаг студенттæ адарддæр кæндзысты ахуыр ӔАМПИ-ы бакалавриаты

"Уæрæсейы уæлдæр ахуыргæнæндæттæй здæхы бирæ студенттæ. Ӕрмæст ӔАМПИ-йы Хуссар Ирыстонæй ахуыр кæны 25 студенты, уымæ гæсгæ хорз уаид, арæныл куы срæвдз кæниккой Хуссар Ирмæ цæуæг адæмы басгæрст", - бафтыдта уый.

Фӕстаг бӕрӕггӕнӕнтӕм гӕсгӕ, иу суткӕмӕ коронавирусӕй рынчынуӕвджыты нымӕц фӕфылдӕр 10 мины. 16 марты бӕрӕггӕнӕнтӕм гӕсгӕ, дунейы вирусӕй фӕрынчын сты 162 671 адӕймаджы, схос кодтой 78 мин пациенттӕн, амардысты 6,5 мин рынчынӕй фылдӕр.

Ног хабӕртты лентӕ
0