ЦХИНВАЛ, 17 мар — Sputnik, Плиты Фатимæ. Хуссар Ирыстоны Урстуалгомы рдæм арæзт цæуынц хидтæ. Фæндагарæзтад цæуы Едысы уæвæг донрауагъдады егъау заводмæ инфраструктурæ срæвдз кæныны нысанæн, фехъусын кодта Sputnik арæзтадон æрмæджыты заводы кусæг Джыгкайты Нарт.
Зæронд хид
© Sputnik / Наталья Айриян
Ног хидтæ арæзт цæуынц Рукъ-Ерманы фæндагыл цæугæдæттæ Рукъдон æмæ Леуахийы сæртыл.
"Хидтæ арæзт цæуынц экономикон райрæзты министрады заказмæ гæсгæ, егъау донрауагъдадон заводмæ инфраструктурæ срæвдз кæныны нысанæн. Фыццаджы дæргъ, кæцы цæуы Рукъдоны сæртыл, у 22 метры, дыккаг цæуы Леуахийы сæртыл, у 44 метры", - загъта Джыгкайты Нарт.
Уый ма радзыдта, дыууæ хиды арæзтад дæр кæй балхынцъ уыдзæн 2020 азы сентябрьмæ.
"Куыстытæ райдыдтам ивгъуыд аз октябры. Нывæзтмæ гæсгæ гыццыл хид цæттæ уыдзæн августы, мæйы фæстæ та дыккаг", - бафтыдта уый.
Фæндаг, кæцыйыл арæзт цæуынц хидтæ, кæны Згъубир, Сба, Брытъат, Едыс æмæ Ерман хъæутæм.
1/2
© Sputnik / Наталья Айриян
Зæронд хид
2/2
© Sputnik / Наталья Айриян
Ног хид
1/2
© Sputnik / Наталья Айриян
Зæронд хид
2/2
© Sputnik / Наталья Айриян
Ног хид
