ЦХИНВАЛ, 23 мар - Sputnik. Цхинвалы бакодтой секци грэпплингӕй – ӕмтохӕдты ног хуыз, кӕцыйы ӕрӕмбырд кодтой хъӕбысхӕсты техникӕты алыгъуызон хуызтӕ. Ахуыртӕ уагъд цӕудзысты базарадон центр "Хурзӕрин"-ы спортивон залы, хъусын кӕны Хуссар Ирыстоны фӕсивӕдон политикӕ, спорт ӕмӕ туризмы комитеты пресс-службӕ.
Къуыри ӕртӕ хатт фӕсивӕдимӕ кусдзысты дунейы чемпион FCF MMA-йӕ Дудайты Владимир, Нарыкъаты Кӕдзӕх ӕмӕ Къусраты Петр.
Уагдоны бафтыдтой, ахуыртӕ уагъд кӕй цӕудзысты къуырисӕр, ӕртыццӕг ӕмӕ майрӕмбоны 19.00-ӕй 21.00 сахатмӕ.
Грэпплинг – у спорты хуыз, кӕцы сарӕзтой бразилиаг джиу-джитсу, уӕгъдибар хъӕбысхӕст, хӕстон самбо ӕмӕ дзюдойы техникӕты бындурыл.
