ЦХИНВАЛ, 30 мар — Sputnik. Цæгат Ирыстоны ацыд акци Италиимæ солидарондзинады нысанæн, кæцы ахсы фыццаг бынат Европæйы коронавирусы инфекцийы апарахатæй, хъусын кæны регионы сæргълæууæг Битарты Вячеславы сайт.
Цæгат Иры ацыд Италийы коронавирусы амæттæгты мысæн мадзал
© Sputnik / Денис Абрамов
/ Битарты Вячеславы ныхæстæм гæсгæ, Италийы цæрджытæ сты хæлар, фæлмæнзæрдæ адæм, уыдон фыццаг фæдаргъ кодтой æххуысы къух Беслæны трагедийы фæстæ.
"Мах дæр абон тынг тыхстæй нæ хъус дарæм Италийы уавæрмæ, сæ ног хабæрттæм. Ахæм акциты фæрцы рабæрæг вæййы адæмы иудзинад, цæрджытæ равдисынц, кæй маст кæнынц кæрæдзи бæллæхтыл. Цырæгътæ ссыгъдысты Дзæуджыхъæуы, Беслæны хæдзæртты рудзгуытыл, акцимæ æрбаиу сты алы кары адæм дæр", - ныффыста уый йæ аккаунты Instagram.
Битарты Вячеслав бузныг загъта республикæйыцæрджытæн, Беслæны æмæ Рахизварс районы къухдариуæгадæн, "Беслæны мæдтæн" акцийы тыххæй, кæцы райдыдта социалон хызæгты æмæ йæ уыдон адарддæр кодтой.
Цæгат Иры ацыд Италийы коронавирусы амæттæгты мысæн мадзал
© Sputnik / Денис Абрамов
/ Официалон бæрæггæнæнтæм гæсгæ, абоны онг Италийы коронавирус бахæцыд 97689 адæймагыл. Бæстæ ахсы фыццаг бынат короновирусы амæттæгты нымæцæй - инфекцийæ амард 10 779 адæймаджы.
