Бибылты Анатолий басгӕрста инфекцион рынчындон эпидемимӕ цӕттӕдзинадыл

© Пресс-служба президента РЮОБибылты Анатолий басгӕрста инфекцион рынчындон Цхинвалы
Бибылты Анатолий басгӕрста инфекцион рынчындон Цхинвалы - Sputnik Хуссар Ирыстон
Паддзахады сӕргълӕууӕг бабӕрӕг кодта инфекцион бокстӕ, рӕуджыты вентиляцийы аппараттимӕ палатӕтӕ

ЦХИНВАЛ, 31 мар – Sputnik, Козаты Диана. Президент Бибылты Анатолий бахӕс кодта бацӕттӕ кӕнын инфекцион рынчындон Цхинвалы рынчынтӕ райсынмӕ коронавирусы фӕзынды рӕстӕджы. Паддзахады сӕргълӕууӕг дыццӕджы бабӕрӕг кодта медицинон уагдон, уымӕн радзырдтой ӕмӕ фенын кодтой, цы мадзӕлттӕ райсдзысты пациентты сӕм куы ӕрбакӕной, уӕд.

Президенты цымыдис кодта, куыд ифтонг сты дохтыртӕ хъахъхъӕнӕн фӕрӕзтӕй.

"Ӕз тыхсын дохтыртыл, кӕцытӕ хос кӕндзысты фӕрынчынуӕвджытӕн. Кӕй зӕгъын ӕй хъӕуы, рынчынтӕн хъуамӕ хос кӕнӕм, уый у уӕ куысты хӕс, фӕлӕ дохтыртӕ куы фӕрынчын уой, уӕд хос та чи кӕндзӕн? Фыццаджыдӕр, хъуамӕ хъуыды кӕнӕм медицинон кусджыты ӕдасдзинадыл", - хъусын кӕны Бибылты Анатолийы ныхӕстӕ йӕ пресс-службӕ.

Ӕнӕниздзинад хъахъхъӕнынады министрады сӕргълӕууӕг Тотчиты Георгий радзырдта, рынчындоны кӕй ис хъахъхъӕнӕн халаттӕ, тагъд рӕстӕджы ноджы ӕрбаласдзысты. Афтӕ ма, медицинон уагдоны ӕнхъӕлмӕ кӕсынц химикон хъахъхъӕнынады дарӕсы ӕрбаластмӕ.

© Пресс-служба президента РЮОБибылты Анатолий басгӕрста инфекцион рынчындон Цхинвалы
Бибылты Анатолий басгӕрста инфекцион рынчындон эпидемимӕ цӕттӕдзинадыл - Sputnik Хуссар Ирыстон
Бибылты Анатолий басгӕрста инфекцион рынчындон Цхинвалы

Уымӕй дарддӕр, президент басгӕрста инфекцион бокстӕ дӕр, кӕцыты ис 18 бынаты, рӕуджыты вентиляцийы аппараттимӕ палатӕтӕ.

"Инфекцион рынчындоны нывӕндыстӕм сӕвӕрын рӕуджыты вентиляцийы дӕс аппараты, фӕлӕ Бибылты Анатолий бахӕс кодта бацӕттӕ кӕныны республикӕйы аппараттӕ иууылдӕр", - банысан кодтой пресс-службӕйы.

Республикӕйы президент бахӕс кодта сӕвӕрын инфекцион рынчындоны аппараттӕ иууылдӕр, цӕмӕй ӕвзӕр уавӕры рӕстӕджы ууыл рӕстӕг мауал хардз кӕной.

© Пресс-служба президента РЮОБибылты Анатолий басгӕрста инфекцион рынчындон Цхинвалы
Бибылты Анатолий басгӕрста инфекцион рынчындон эпидемимӕ цӕттӕдзинадыл - Sputnik Хуссар Ирыстон
Бибылты Анатолий басгӕрста инфекцион рынчындон Цхинвалы

Афтӕ ма ӕрдзырдтой бирӕпрофилон медицинон центры сӕйраг корпусы пайдакӕнынады фадатыл ӕмбӕстӕгтӕн хоскӕнынӕн инфекцийы фӕзынды рӕстӕджы.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала