Хуссар Иры цӕрджыты бафӕдзӕхстой карантин фехалыны фӕдыл бӕрны тыххӕй

© Sputnik / Natalia AiriyanЦхинвал
Цхинвал - Sputnik Хуссар Ирыстон
Бафыссын
Yandex newsTelegram
Республикӕйы карантин фехалыны тыххӕй хъӕудзӕн бафидын ивар, йӕ бӕрц уыдзӕн 20 мин сомы онг

ЦХИНВАЛ, 2 апр – Sputnik, Козаты Диана. Хуссар Ирыстоны цӕрджыты бафӕдзӕхстой карантинон мадзӕлттӕ фехалыны фӕдыл бӕрны тыххӕй.

Карантин Хуссар Иры - Sputnik Хуссар Ирыстон
Хуссар Иры карантины режим фехалджытӕм ӕнхъӕлмӕ кӕсынц ивартӕ 20 мины сомы онг

Хуссар Ирыстоны хицауад коронавирусы апархат ма ‘руадзыны нысанӕн бакодтой карантинон мадзӕлттӕ – сӕхгӕдтой ахуырадон уагдӕттӕ ӕмӕ ӕхсӕнадон бынӕттӕ, ӕмбӕстӕгтӕн нӕй бар цӕуын республикӕйӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

Цыппӕрӕмы смс-хъусинӕгты руаджы цӕрджытӕн ноджы иу хатт фехъусын кодтой ӕфхӕрды тыххӕй хицауады уынаффӕтӕ фехалыны фӕдыл.

"Юго-Осетпотребнадзор хъусын кӕны: санитарон-эпидемиологон хӕрзвадат сӕххӕст кӕныны нысанӕн, хъӕуы ӕххӕст кӕнын хисӕрмагонд изоляцийы режим. Карантинон мадзӕлттӕ фехалыны фӕдыл ис административон бӕрн", - дзырдӕуы хъусинаджы тексты.

Уый размӕ Генералон прокуратурӕйы фехъусын кодтой, карантины режим фехалджытӕм кӕй ӕнхъӕлмӕ кӕсы ивар 20 мин сомы онг.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

Ног хабӕртты лентӕ
0