Цӕмӕннӕ хуыйы Цхинвалы фабрикӕ маскӕтӕ: БТК не сдзуапп кодта ацы фарстӕн

© Sputnik / Наталья АйриянБТК-4
БТК-4 - Sputnik Хуссар Ирыстон
Компанийы пресс-секретарь ницы загъта цхинвайлаг хуыйӕн фабрикӕйы нывӕзтыты тыххӕй медицинон маскӕтӕ хуыйыны фӕдыл

ЦХИНВАЛ, 3 апр – Sputnik, Козаты Диана. Компани "БТК-групп" рахизын кодта йӕ хуыйӕн фабрикӕтӕ медицинон ӕрмӕджытӕ аразынмӕ.

Карантин Хуссар Иры - Sputnik Хуссар Ирыстон
Хуссар Иры карантины режим фехалджытӕм ӕнхъӕлмӕ кӕсынц ивартӕ 20 мины сомы онг

Куыстуаты официалон сайты хъусинаджы дзырдӕуы, 2 апрелы кӕй рауагътой хъахъхъӕнӕн маскӕты фыццаг партитӕ. Афтӕ ма компани цӕттӕ у райдайын уадзын медицинон дарӕс, сӕ нымӕцы иухаттон медицинон костюмтӕ. Продукци уагъд цӕудзӕн федералон ӕмӕ регионалон органты бафарстӕй, афтӕ ма егъау куыстуаттӕ ӕмӕ организацитӕн, кӕцытӕ ӕххӕст кӕнынц сӕ куыст карантины рӕстӕджы.

Sputnik сфӕнд кодта базонын, ацы информаци хауы компанийы филиалмӕ Хуссар Ирыстоны ӕви нӕ, цы ран куыстуаты сайты информацимӕ гӕсгӕ кусы 785 адӕймаджы. Фӕлӕ БТК пресс-службӕйы агентадӕн информаци нӕ радтой.

"Хъыгагӕн, мах асъкуыддзаг кодтам мауал дӕттын комментаритӕ уӕ зноны публикацийы фӕстӕ", - загъта холдингы маркетинг ӕмӕ PR хайады хистӕр Виктория Петрова.

Sputnik нӕ бантыст базонын, ацы уӕззау эпидемиологон уавӕры куыд кусдзӕн хуыйӕн фабрикӕ Хуссар Ирыстоны.

Компанийы кусджытӕй иу банысан кодта, хистӕр кары кусджыты кӕй не ‘ссӕрибар кодтой куыстӕй, нӕ сын радтой хӕслӕвӕрдтӕ дӕр, цӕмӕй бахуыйой маскӕтӕ.

Бигӕ ӕмӕ хуыйгӕ: Цхинвалы хицӕн адӕймӕгтӕ срӕвдз кодтой маскӕты рауагъд - Sputnik Хуссар Ирыстон
Бигӕ ӕмӕ хуыйгӕ: Цхинвалы хицӕн адӕймӕгтӕ срӕвдз кодтой маскӕты рауагъд

"Махмӕ хъуымац дӕр нӕй уымӕн", - загъта фабрикӕйы кусӕг.

Уый фӕдыл республикӕйы бирӕтӕм фӕзынд фарст: цӕннӕ ӕххуыс кӕны егъау куыстуат хицауад ӕмӕ ӕхсӕнадӕн тох кӕнын инфекцийы ныхмӕ. Ацы темӕйы фӕдыл социалон хызӕджы посты бын комментариты президент Бибылты Анатолий ныффыста, "БТК-имӕ ахӕм бадзырд кӕй ис, ӕнхъӕлмӕ кӕсынц ӕрмӕгмӕ, кӕцы, хъыгагӕн, нӕ фаг кӕны".

Куыстуаты сайтыл ма нысангонд ӕрцыд, БТК хуыйӕн фабрикӕты куыст кӕй сорганизаци кодтой Роспотребнадзоры рекомендацитӕм гӕсгӕ.

Ӕххӕст кӕнынц уӕлӕмхасӕн мониторинг кусджыты ӕнӕниздзинады уавӕрмӕ. Куыстуаты территорийы дезинфекци кӕнынц бӕстыхӕйттӕ ӕмӕ кусӕн бынӕттӕ.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала