ЦХИНВАЛ, 7 апр - Sputnik. Экономикон ӕгъдауӕй ӕдых Гуырдзыстонӕн фадат нӕй баххуыс кӕнын Хуссар Ирыстонӕн кӕнӕ та ӕндӕр бӕстӕтӕн коронавирусимӕ тох кӕныны хъуыддаджы, фехъусын кодта республикӕйы президенты паддзахадон уынаффӕгӕнӕг Джусойты Сослан.
"Фыццаджыдӕр, Гуырдзыстонӕн фадат нӕй баххуыс кӕнын искӕмӕн. Уымӕн ӕмӕ уый у мӕгуыр бӕстӕ, цы ран цӕрджытӕн ис царды ныллӕг ӕмвӕзад. Адӕмы хъӕздыгдзинады бӕрӕггӕнӕнтӕм гӕсгӕ дӕр Гуырдзыстоны ӕмвӕзад бӕрзонд нӕу, арӕх йӕ разӕй фӕвӕййынц ахӕм бӕстӕтӕ, куыд Габон кӕнӕ Суринам", - загъта Sputnik Джусойты Сослан.
Афтӕ ма паддзахады сӕргълӕууӕджы уынаффӕгӕнӕг бахахх кодта, лӕмӕгъ гуырдзиаг экономикӕ коронавирусы кризисы тыххӕй ноджы тынгдӕр кӕй бахъыгдард уыдзӕн.
