Хуссар Иры Хъахъхъӕнынады министрад аразы хӕстон архӕйдтыты ветеранты номхыгъдтӕ

© AP Photo / Musa SadulayevАвгуст 2008
Август 2008 - Sputnik Хуссар Ирыстон
Рафыссын
Министрад хъуамӕ фыццӕгӕм июльмӕ ӕрӕмбырд кӕна ӕмӕ бавдиса президенты администрацимӕ хӕстон архӕйдтыты номхыгъдтӕ

ЦХИНВАЛ, 9 апр - Sputnik. Хуссар Ирыстоны Хъахъхъӕнынады министрады арӕзт цӕуы кусӕгон къорд, цӕмӕй саразой республикӕйы ӕфсӕддонты ӕмӕ хӕдӕфсады къордты архайджыты номхыгъдтӕ, кӕцытӕ хайад истой хӕстон архӕйдтыты 1990-1992, 2004 ӕмӕ 2008 ӕзты.

Плиты Мӕдинӕ - Sputnik Хуссар Ирыстон
Хуссар Иры хӕстон архӕйдтыты ветерантӕн дӕттынц гуманитарон ӕххуыс

Хъахъхъӕнынады министрады кусӕгон къорды разамонӕгӕй снысан кодтой министры хӕдивӕг, булкъон Ӕлборты Игоры, хъусын кӕны уагдоны пресс-службӕ.

Ӕмбӕлон уынаффӕ рахаста президент Бибылты Анатолий йӕ ныстуаны республикӕйы адӕм ӕмӕ парламентмӕ. Министрад хъуамӕ фыццӕгӕм июльмӕ ӕрӕмбырд кӕна ӕмӕ бавдиса президенты администрацимӕ хӕстон архӕйдтыты номхыгъдтӕ.

"Къорды скондмӕ бахастой РХИ ӕфсӕддон коммисар Бибылты Роберты, Хъахъхъӕнынады министрады офицерты, кӕцытӕ хайад истой хӕстон архӕйдтыты, афтӕ ма ӕхсӕнадон ӕмӕ ветеранон организациты минӕвӕртты, кӕцытӕ ӕххуыс кӕнынц хӕстон архӕйдтыты ветерантӕн", - дзырдӕуы хъусинаджы.

Кусӕгон къорды рабадт нывӕндынц уадзын ӕрвыл къуыри.

Ног хабӕртты лентӕ
0