ЦХИНВАЛ, 9 апр – Sputnik, Плиты Фатимæ. Хуссар Ирыстоны уӕлӕмхасӕй сарӕзтой ноджы 12 тесты коронавирус рабӕрӕг кӕныны тыххӕй, уыдонӕй иу дӕр нӕ равдыста тӕссаг вирусы уӕвынад. Уый тыххӕй Sputnik фехъусын кодта "Югосетпотребнадзор"-ы сӕргълӕууӕджы хӕдивӕг Гаглойты Анна.
Йӕ ныхӕстӕм гӕсгӕ, фӕкъаддӕр ис, хиизоляцийы цы адӕм ис, уыдон нымӕц дӕр.
"Хиизоляцийы ис 459 адӕймаджы, авд адӕймаджы ис рынчындӕтты - иу Знауыры рынчындоны, аннӕттӕ Цхинвалы" - загъта Гаглойты Анна.
Уый ма банысан кодта, Хуссар Ирыстоны раздӕрау кӕй нӕй коронавирусӕй рынчынтӕ.
Фӕстаг бӕрӕггӕнӕнтӕм гӕсгӕ, дунейы коронавирусӕй рынчынты нымӕц у 1 504 971 адӕймаджы. COVID-19 ахаста 87 мин адӕймаджы цард.
