ЦХИНВАЛ, 14 апр – Sputnik. Цæгат Ирыстоны иу суткæмæ рабæрæг сты коронавирусæй 18 ног фæрынчынуæвæджы, республикæйы рынчынты иумæйаг нымæц схызт 52 адæймагмæ. Уый тыххæй хъусын кæны регионы "Роспотребнадзор".
"Медицинон хъусдарды бын хиизоляцийы ис республикæйы 794 цæрæджы. Медицинон хъусдардæй ист æрцыдысты 1347 адæймаджы", – дзырдæуы хъусинаджы.
Раздæр куыд фехъусын кодтой, афтæмæй республикæйы коронавирусон инфекцийæ схос кодтой æртæ рынчынæн, дыууæ пациенты та амардысты.
Ивгъуыд суткæйы дунейы диагноз COVID-19 сбæрæг кодтой 76 мин пациентæн. Дыццæджы райсоммæ бæрæггæнæнтæм гæсгæ, рынчынты иумæйаг нымæц у 1 904 566 адæймаджы.
