Хуссар Иры карантинӕй рахызт курсантты фыццаг къорд

© Sputnik / Natalia AiriyanДзауы рынчындон
Дзауы рынчындон - Sputnik Хуссар Ирыстон
Рафыссын
Уӕрӕсейы ӕфсӕддон ахуырадон уагдӕтты ахуыргӕнинӕгтӕ ӕрцыдысты республикӕмӕ майы райдайӕны. Курсанттӕ ӕрыздӕхтысты цалдӕр къордӕй. Сӕ фыдыбӕстӕмӕ куы ‘рцыдысты, уӕд сӕ бакодтой дыууӕкъуырион карантины

ЦХИНВАЛ, 19 май - Sputnik, Козаты Диана. Уӕрӕсейаг ахуырадон уагдӕтты курсантты фыццаг къорд, кӕцытӕ ӕрцыдысты Хуссар Ирыстонмӕ майы райдайӕны, рахызтысты карантинӕй, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Амӕйразмӕ хъусын кодтой, ахуырадон аз ӕмгъуыдӕй раздӕр кӕй фӕцис, уый тыххӕй Хуссар Ирыстонмӕ кӕй ӕрыздӕхтысты уӕрӕсейаг ӕфсӕддон ахуырадон уагдӕтты 250 курсанты. Сӕ фыдыбӕстӕмӕ куы ‘рцыдысты, уӕд сӕ бакодтой дыууӕкъуырион карантины.

"Знон рауагътам курсантты, кӕцытӕ ӕрцыдысты Новосибирскӕй. Уыдон сты ӕхсӕз адӕймаджы, кӕцытӕ уыдысты карантины Дзауы районон рынчындоны", - радзырдта Гаглойты Анна.

Йӕ ныхӕстӕм гӕсгӕ, ӕртыццӕджы гӕнӕн ис ауадзой хӕдзармӕ ӕмбӕстӕгты ноджы дыууӕ къорды, кӕцытӕ ӕрцыдысты Уӕрӕсейӕ ФХМ хаххыл.

Коронавирус - Sputnik Хуссар Ирыстон
Хуссар Иры санитарон уагдоны фехъусын кодтой коронавирусы тестты фӕстиуджыты тыххӕй

"Кӕд тесттӕ хорз фӕстиуджытӕ равдисой, уӕд сӕ абон ауадздзыстӕм хӕдзармӕ", - бафтыдта комитеты сӕрдары хӕдивӕг.

Амӕйразмӕ хъусын кодтой, Хуссар Ирыстоны ӕртыккаг бон кӕй не сбӕрӕг кодтой коронавирусӕй фӕрынчынуӕвджыты, 19 маймӕ республикӕйы ис COVID-19-ӕй 34 рынчыны.

Хуссар Ирыстон 6 майы онг ӕнтыстджынӕй тох кодта республикӕмӕ коронавирусон инфекцийы ӕрбахызтимӕ. Марты кӕрӕттӕй ӕхгӕд сты ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ автотранспорты змӕлдыл.

Уӕрӕсеимӕ арӕны уылты хизыныл тобӕ сӕвӕрдтой 5 апрелы ӕмӕ адарддӕр уыдзӕн 31 майы онг, кӕронмӕ ӕхгӕд у республикӕйы арӕн Гуырдзыстонимӕ.

Ног хабӕртты лентӕ
0