ЦХИНВАЛ, 27 май - Sputnik. Хуссар Ирыстоны Джеры дзуар ӕмӕ Сау дзуары алфӕмбылай ацыд экологон акции, кӕцы сорганизаци кодта Фӕсивӕдон политикӕ, спорт ӕмӕ туризмы фӕдыл комитет.
Хуссар Иры волонтертӕ бафснайдтой Джеры дзуары алфамбылай
© Комитет по молодежной политике, спорту и туризму
Зиуы хайад райстой волонтертӕ, прокуратурӕйы кусджытӕ, ӕвзонг тренертӕ ӕмӕ комитеты кусджытӕ. Уыдон ӕрӕмбырд кодтой 60-йӕ фылдӕр голладжы бырон.
"Фӕсивӕд ӕрӕмбырд кодтой ӕнӕхъӕн Камаз ӕмӕ ноджы иу уӕзласӕн машинӕйы дзаг бырон. Акци рӕстӕджы ӕвзонг волонтертӕ базонгӕ сты кӕрӕдзиимӕ ӕмӕ схӕлар сты. Ныфс нын бавӕрдтой, нӕ иннӕ зиуты дӕр кӕй исдзысты хайад", - банысан кодтой комитеты пресс-службӕйы.
Уагдоны радон хатт бахатыдысты республикӕйы цӕрджытӕ ӕмӕ уаздзытӕм, цӕмӕй сын аудгӕдӕр ахаст уа ӕрдзмӕ, сӕ фӕстӕ ӕфснайой ӕмӕ ма чъизи кӕной кувӕндӕтты ӕмӕ сыгъдӕг бынӕтты территоритӕ.
Хуссар Иры волонтертӕ бафснайдтой Джеры дзуары алфамбылай
© Комитет по молодежной политике, спорту и туризму
Уалдзӕджы райдианимӕ Фӕсивӕдон политикӕ, спорт ӕмӕ туризмы фӕдыл комитет сног кодта йӕ экологон акцитӕ республикӕйы аив къуымты. Ахӕм мадзӕлттӕ уагъд цӕуынц ӕрвылаз дӕр, ацы аз акцийы масштабтӕ фӕуӕрӕхдӕр кодтой.
Хуссар Иры волонтертӕ бафснайдтой Джеры дзуары алфамбылай
© Комитет по молодежной политике, спорту и туризму
