Хуссар Ирыстоны сбӕрӕг кодтой коронавирусӕй цыппар ног рынчыны

© Sputnik / Павел Кононов /  Ахизын медиабанкмæКоронавирус
Коронавирус - Sputnik Хуссар Ирыстон
Рафыссын
Вирус сбӕрӕг кодтой республикӕйы ӕмбӕстӕгтӕн, кӕцытӕ уыдысты дыууӕкъуырион карантины

ЦХИНВАЛ, 1 июн - Sputnik, Козаты Диана. Хуссар Ирыстоны коронавирус сбӕрӕг кодтой ноджы цыппар адӕймагӕн. Фӕрынчынуӕвджытӕ иууылдӕр уыдысты медицинон уагдӕтты, загъта Sputnik республикӕйы сӕйраг санитарон дохтыры хӕдивӕг Гаглойты Анна.

Цхинвал - Sputnik Хуссар Ирыстон
Хуссар Иры ӕнӕкусӕгон бонтӕ нӕ адарддӕр кӕндзысты

Къуырисӕрӕй, 25 майӕ, хицауад ногӕй радта бар ӕрыздӕхын ӕмбӕстӕгтӕн, кӕцытӕ баззадысты Уӕрӕсейы арӕны сӕхгӕды тыххӕй. Сӕ фыдыбӕстӕмӕ цӕуынц уӕрӕсейаг ахуырадон уагдӕтты курсанттӕ дӕр.

"Инфекци сбӕрӕг кодтой цыппар адӕймагӕн – сылгоймагӕн, кӕцы ӕрыздӕхт Дзӕуджыхъӕуӕй ӕмӕ ӕртӕ курсантӕн. Уыдон иууылдӕр уыдысты карантины", - загъта Гаглойты Анна.

Иумӕйагӕй медицинон уагдӕтты коронавирусӕй хоскӕнынад цӕуынц 12 адӕймаджы.

Коронавирус кӕмӕн сбӕрӕг кодтой – 42 ӕмбӕстаджы – уыдонӕй 30 адӕймаджы рацыдысты хоскӕнынад республикон бирӕпрофилон медицинон центры инфекцион хайады ӕмӕ сӕ рафыстой рынчындонӕй.

Дохтырты хъусдарды бын сты 164 адӕймаджы, уыдонӕй 136 – карантинон зонӕты.

Ног хабӕртты лентӕ
0