Хуссар Иры иу суткӕмӕ не сбӕрӕг кодтой коронавирусӕй ног рынчынты

© Sputnik / Natalia Airiyan Цхинвалы рынчындон
Цхинвалы рынчындон - Sputnik Хуссар Ирыстон
Бафыссын
НовостиTelegram
Республикӕйы ивгъуыд суткӕйы не сбӕрӕг кодтой коронавирусон инфекцийӕ ног рынчынты, банысан кодтой санитарон уагдоны

ЦХИНВАЛ, 2 июн - Sputnik, Козаты Диана. Югосетпотребнадзор ӕнхъӕлмӕ кӕсы тестты фӕстиуджытӕм, кӕцытӕ знон ауагътой дыууӕ курсантӕн, кӕцытӕ ивгъуыд къуыри ӕрыздӕхтысты Уӕрӕсейӕ, ӕмӕ иу медицинон кусӕгӕн. Тесттӕ равдыстой зӕрдӕхсайгӕ фӕстиуджытӕ, загъта Sputnik уагдоны сӕргълӕууӕджы хӕдивӕг Гаглойты Анна.

Коронавирус - Sputnik Хуссар Ирыстон
Ноджы дыууӕ адӕймаджы амардысты COVID-19-ӕй Цӕгат Иры

Уыцы цаутӕй дарддӕр, Хуссар Ирыстоны не сбӕрӕг кодтой коронавирусӕй рынчынты. Республикон бирӕпрофилон медицинон центры инфекцион рынчындоны хоскӕнынад цӕуынц 11 адӕймаджы.

"Мах дыккаг хатт сараздзыстӕм тесттӕ ӕмбӕстӕгтӕн, кӕцыты анализтӕм нӕ зӕрдӕ ӕхсайы. Фӕстиуджытӕ райсдзыстӕм боны дӕргъы", - загъта Гаглойты Анна.

Уый банысан кодта, амӕйразмӕ цы дыууӕ медицинон кусӕг фӕрынчын сты, уыдон кӕй сӕнӕниз сты ӕмӕ сӕ рафыстой инфекцион хайадӕй.

Карантины сты 157 адӕймаджы.

Хуссар Ирыстоны коронавирусӕй фыццаг рынчынты сбӕрӕг кодтой майы райдайӕны, уӕдӕй фӕстӕмӕ республикӕйы сбӕрӕг кодтой 42 фӕрынчынуӕвӕджы, сӕ фылдӕр хайӕн схос кодтой.

Ног хабӕртты лентӕ
0