Хуссар Иры столицӕгӕрон хъӕуы аразынц фӕндӕгтӕ

© Sputnik / Наталья АйриянФӕндӕгты арӕзтад
Фӕндӕгты арӕзтад - Sputnik Хуссар Ирыстон
Бафыссын
НовостиTelegram
Гудзабары ивгъуыд аз зӕххы бын коммуникацитӕ куы раивтой, уӕдӕй фӕстӕмӕ фӕндӕгты иу хай уыд аразинаг

ЦХИНВАЛ, 4 июн - Sputnik, Плиты Фатимӕ. Хуссар Ирыстоны столицӕгӕрон хъӕу Дӕллаг Гудзабары Цхинвалы районы администраци цалцӕг кӕны фӕндаджы сӕйраг хахх, фехъусын кодта Sputnik районы разамонӕг Мамытаты Вахтанг.

Хъӕуы арӕзтцӕуӕг фӕндӕгты дӕргъ у иу километры бӕрц.

Донхӕры хахх - Sputnik Хуссар Ирыстон
Цхинвалгӕрон хъӕуы сыгъдӕг кӕнынц донхӕры хахх

"Дӕллаг Гудзабары фӕндаг кӕнӕм ӕмбӕлон уагмӕ. Ам ивгъуыд аз зӕххы бын коммуникацитӕ куы раивтой, уӕдӕй фӕстӕмӕ фӕндӕгты иу хай уыд аразинаг. Цӕрӕн-коммуналон хӕдзарады кусджыты хъусдард здӕхт у фӕндаджы сӕйраг хахмӕ", - загъта уый.

Мамытаты Вахтанг ма радзырдта, хъӕуы ма ӕмрӕстӕджы кӕй кусы паддзахадон унитарон куыстуат "Мелиорация", кӕцы сыгъдӕг кӕны донхӕры хахх.

Цхинвалы районы Дӕллаг Гудзабары хъӕуы цӕры 160 хӕдзары, административон уӕрстмӕ гӕсгӕ у Цхинвайлы райны дӕлбар, ӕнӕуый та ис горӕты уӕлӕ.

Ног хабӕртты лентӕ
0