Югосетпотребнадзоры фехъусын кодтой коронавирусы фӕдыл тестты фӕстиуджытӕ

© Sputnik / Павел Кононов /  Ахизын медиабанкмæКоронавирус
Коронавирус - Sputnik Хуссар Ирыстон
Рафыссын
Республикӕйы коронавирусы пандемийы райдайӕнӕй фӕстӕмӕ ауагътой 1700 тесты, фыццаг фӕрынчынуӕвджыты Хуссар Ирыстоны сбӕрӕг кодтой майы райдайӕны

ЦХИНВАЛ, 9 июн - Sputnik. Хуссар Ирыстоны ивгъуыд суткӕйы не сбӕрӕг кодтой коронавирусӕй ног рынчынты, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

Нагутнийы улӕфӕндон - Sputnik Хуссар Ирыстон
Хуссар Иры Нагутнийы улӕфӕндоны баконд фӕфӕстиат пандемийы тыххӕй

Къуырисӕры ауагътой 55 тесты COVID-19 сбӕрӕг кӕныны фӕдыл, уыдонӕй иу дӕр нӕ равдыста вирусы уӕвынад.

"Республикон бирӕпрофилон медицинон центры инфекцион хайады хоскӕнынад цӕуынц 32 адӕймаджы", - загъта Гаглойты Анна.

Дохтырты хъусдарды бын сты 234 адӕймаджы, фондз сты хиизоляцийы.

Хуссар Ирыстоны майы райдайӕнӕй ауагътой 1700 тесты COVID-19 сбӕрӕг кӕныны фӕдыл.

Республикӕйы пандемийы райдайӕнӕй фӕстӕмӕ коронавирус бахӕцыд 66 адӕймагыл, уыдонӕй 30 пациенты рафыстой рынчындонӕй.

Ног хабӕртты лентӕ
0