ЦХИНВАЛ, 11 июн - Sputnik. Цӕгат Ирыстоны Слестгӕнӕн Комитеты Слестгӕнӕн управлени бакодта уголовон хъуыддаг Дзӕуджыхъӕуы 33-аздзыд цӕрӕджы ныхмӕ, кӕцымӕ зӕрдӕ ӕхсайы 11-аздзыд чызгӕн тыхми бакӕнынмӕ.
Слестгӕнӕн комитеты пресс-службӕ куыд хъусын кӕны, афтӕмӕй фыдгӕнӕг ахст ӕрцыд, ныртӕккӕ уагъд цӕуынц цауы лыстӕгдзинӕдтӕ рафӕлгъауыны фӕдыл куыстытӕ.
"Барадхъахъхъӕнджыты версимӕ гӕсгӕ, 2020 азы 9 июны 18.30 сахатмӕ ӕввахс фыдгӕнӕг бакодта йӕ зонгӕ 11-аздзыд чызджы Дзӕуджыхъӕуы хӕдзӕрттӕй иуы ныккӕндмӕ ӕмӕ йын бакодта тыхми", - дзырдӕуы уагдоны хъусинаджы.
Нӕлгоймаджы ныхмӕ ӕввахс рӕстӕджы ист ӕрцӕудзысты ӕмбӕлон мадзӕлттӕ. Уголовон хъуыддаг дарддӕр цӕуы басгӕрст.
